İngiltərə millisinin sabiq hücumçusu Alan Şirer "Mançester Yunayted"in portuqaliyalı mütəxəssis Ruben Amorimin rəhbərliyi altında sərgilədiyi oyunu tənqid edib.
Fanat.Az xəbər verir ki, onun sözlərini "The Rest Is Football" belə çatdırıb:
"Mançester Yunayted" indi Erik ten Haq dönəmindəkindən də pis oynayır. Zəif çıxışın səbəbi budur ki, Amorim öz sistemini tətbiq etməyə çalışır. Futbolçular isə onun istədiyi futbolu sərgiləyə bilmirlər. Oyunçular bunu bacarmırlar".
Qeyd edək ki, 22 oyuna 26 xal toplayan "qırmızı şeytanlar" hazırda İngiltərə Premyer Liqasının turnir cədvəlində 13-cü pillədə mövqe tutublar. MY son çempionat matçında öz meydanında "Brayton"a 1:3 hesabı ilə uduzub.
Nihat
