Tanınmış azərbaycanlı yazıçı çörəkçi işləməyə başladı

Yazıçı, tərcüməçi Nadir Qocabəyli peşəsini dəyişib.

Publika.az Medianews.az-a istinadən xəbər verir ki, bu barədə yazıçının özü məlumat verib.

Bildirib ki, bir ildən çoxdur işsiz olduğuna, tərcüməçilik, yazıçılıq və ictimai fəaliyyətin ona gəlir gətirmədiyinə görə, peşəsini dəyişmək qərarı verib.

Onun sözlərinə görə, bu məqsədlə həyətində öz gücünə və təkbaşına “Pompey sobası” (Kürə) tikib, çörək bişirib satmağa başlayıb: “Materiala çox pul xərcləmədim, zatən yoxdur və əsasən tullantı kərpiclərdən, həyətimdə çoxdan qalan qumdan, neçə il ərzində topladığım şüşə butulkalardan, çöldən daşıyıb gətirdiyim gildən və sairədən istifadə etdim. Bununla belə, pula yenə ehtiyac oldu. Çünki kürə üçün lazım olan odadavamlı daşlar çox bahadır. Eyni zamanda, sementi və digər bəzi materialları da almalı oldum. Bunun üçün yaxın qohumlardan borc istəməli, nişan üzüyümüzü və yoldaşımın son qızıl üzük-sırğasını girov qoyaraq bir qədər pul götürdüm. Nəticədə həm həyətimdə dar ayaqda ac qalmamaq üçün çörək bişirə biləcəyim bir kürəm oldu, həm də iki yeni peşə qazandım. Hazırda həm kürəçiyəm, yəni kürə usatası, həm də çörəkçi. Çünki təxminən 15 gündür çörək də bişirirəm. Kim istəsə, onun üçün də kürə tikə və çörək bişirə bilərəm”.

FOTOLAR" data-pin-no-hover="true" decoding="async" height="1161" sizes="(max-width: 1694px) 100vw, 1694px" src="https://cdn.medianews.az/2025/01/fotoram.io-12-1-372x255.jpg" srcset="//cdn.medianews.az/2025/01/fotoram.io-12-1-372x255.jpg 372w, //cdn.medianews.az/2025/01/fotoram.io-12-1-1024x702.jpg 1024w, //cdn.medianews.az/2025/01/fotoram.io-12-1-125x86.jpg 125w, //cdn.medianews.az/2025/01/fotoram.io-12-1-768x527.jpg 768w, //cdn.medianews.az/2025/01/fotoram.io-12-1-1536x1053.jpg 1536w, //cdn.medianews.az/2025/01/fotoram.io-12-1-2048x1404.jpg 2048w" title="Yazıçılığı çörəkçi peşəsinə dəyişdi - FOTOLAR 3" width="1694" />

• Tərcüməçi
• Işsizlik
• Yazıçı
• Nadir Qocabəyli
• Peşə Dəyişimi