1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Dostunu qətlə yetirməkdə təqsirləndirilən Bəşir İsrafilovun məhkəmə prosesi yekunlaşıb.
Oxu.Az APA-ya istinadla xəbər verir ki, Lənkəran Ağır Cinayətlər Məhkəməsində hakim Cavid Səfərlinin sədrliyi ilə keçirilən prosesdə hökm oxunub.
Hökmə əsasən, təqsirləndirilən şəxs 9 il 1 ay müddətində azadlıqdan məhrum etmə cəzasına məhkum edilib.
Xatırladaq ki, hadisə ötən il iyun ayında Astara rayonunda baş verib.
Təqsirləndirilən Bəşir İsrafilov dostu Namiq Əhədovu ov tüfəngi ilə qətlə yetirib. Daha sonra həmin silahla özünü yaralayıb.
Qeyd edək ki, ona Cinayət Məcəlləsinin 120.1 (qəsdən adam öldürmə) maddəsi ilə ittiham irəli sürülüb.
