ABŞ prezidenti Donald Tramp Məxfi Xidmətə yeni rəhbər təyin edib.
Bu barədə o, "Truth Social" sosial şəbəkəsində məlumat yayıb.
Sözügedən vəzifəyə Pensilvaniya ştatında sui-qəsd cəhdi zamanı qoruyan Şon Karran təyin edilib.
Onun sözlərinə görə, Karran hüquq-mühafizə orqanlarında 23 illik iş təcrübəsinə malikdir - o, 2001-ci ildə ABŞ Məxfi Xidmətində işə başlayıb.
Xatırladaq ki, 2024-cü il iyulun 13-də Batlerdə seçki mitinqi zamanı Trampa atəş açılıb. O, yüngül yaralanıb, qulağı zədələnib. Atəş açan şəxs Məxfi Xidmət əməkdaşları tərəfindən öldürülüb. Sui-qəsd cəhdindən sonra Kimberli Çitl xidmətin direktoru vəzifəsindən istefa verib, onu müvəqqəti olaraq Ronald Rou əvəz edib.
"Cebheinfo.az"
