Milyarder İlon Mask ABŞ prezidenti Donald Tramp tərəfindən OpenAI, SoftBank və Oracle şirkətlərinin iştirakı ilə yaradılması barədə elan edilmiş süni intellektin (AI) inkişaf şirkəti StarGate-in maliyyə imkanlarını şübhə altına alıb.
“İki sahil” "Kommersant"a istinadla xəbər verir ki, StarGate-in süni intellektin inkişafına 500 milyard dollar sərmayə qoyacağı gözlənilir.
İlon Maska görə, Yaponiyanın SoftBank-ının əslində heç bir vəsaiti yoxdur. “Onların həqiqətən pulları yoxdur. SoftBank 10 milyard dollardan çox az vəsait təqdim edib – bu barədə məndə etibarlı məlumat var” - deyə, Mask "X" sosial şəbəkəsində yazıb.
OpenAI-nin baş direktoru Sem Altman Maskın açıqlaması ilə razılaşmayıb. “Bu doğru deyil və siz bunu dəqiq bilirsiniz. Artıq tikilməkdə olan ilk obyektə baş çəkmək istərdinizmi? “Mən başa düşürəm ki, ölkə üçün ən yaxşısı həmişə şirkətləriniz üçün yaxşı deyil, amma ümid edirəm ki, yeni rolunuzda siz ABŞ-ı birinci yerə qoyacaqsınız”- deyə, Altman qeyd edib.
StarGate layihəsinə yaxın mənbə də CNN-ə müsahibəsində hər hansı maliyyə problemini təkzib edib. Mənbənin məlumatına görə, Softbank-ın balansında 24,3 milyard dollar pul var. Şirkət layihəni həyata keçirmək üçün kredit götürməyə də hazırdır.
