Rodriges Şimali Amerikada da oynayacaq

Xames Rodriges klubunu növbəti dəfə dəyişib.

"Football-plus.az" xəbər verir ki, o, gözlənildiyi kimi, “Rayo Valyekano”nu tərk edib.

İspaniya klubunun rəsmi saytının məlumatına görə, kolumbiyalı yarımmüdafiəçi ilə müqaviləyə qarşılıqlı razılıq əsasında xitam verib. Xames “Rayo Valyekano”ya ötən yay keçmişdi. O, bu mövsüm İspaniya klubunun heyətində bütün turnirlərdə 7 matçda iştirak edib və 1 məhsuldar ötürmə verib. 33 yaşlı futbolçu karyerasını azad agent kimi müqavilə bağladığı Meksikanın “Leon” klubunda davam etdirəcək.

Xatırladaq ki, Rodriges indiyədək Cənubi Amerika, Avropa və Asiyada çıxış edib. Avropada “Portu”, “Monako”, “Real”, “Bavariya”, “Everton” və “Olimpiakos”un formasını geyib.

• Müqavilə
• Yarımmüdafiəçi
• Rayo Valyekano
• Xames Rodriges
• İspaniya