Xəbər verdiyimiz kimi, bu günlərdə Bakıda Türkiyə istehsalı olan “Meşru gayrimeşru” filminin Qala gecəsi keçirildi.
“TEZADLAR.AZ” xəbər verir ki, bu gün Bakı sakinlərinin həmin filmi kinoteatrda izləmə və yaradıcı heyəti ilə görüşmək imkanı var.
Belə ki, yanvarın 23-də 8-ci km ərazisində yerləşən (Qara Qarayev metrosunun yaxınlığında) “Sevinc Mall” ticarət və əyləncə mərkəzindəki “Park Cinema”da “Meşru gayrimeşru”, yəni “Qanuni qeyri-qanuni” filminin iki seansı tamaşaçıların ixtiyarına veriləcək.
Çox maraqlı və aktual mövzunu özündə ehtiva edən məcara dolu filmi izləmək istəyənlər bu fürsəti əldən verməsinlər.
Filmin nümayişi: 23 yanvar 17.30 və 21.30-dadır.
Film Azərbaycan türkcəsində - altyazı ilə təqdim ediləcək.
Qeyd edək ki, filmin ssenarisi, eyni zamanda rejissor işi Ömer Kaydıya məxsusdur. Azərbaycan üzrə baş kordinatoru isə Yalçın Çobandır.
Flmin baş rolunu – hüquq üzrə professor Erdem Kuş obrazını məşhur türkiyəli aktyor Erkan Can canlandırıb.
Tragikomediya janrında çəkilmiş filmdə baş rolun qəhrəmanı Erdem Kuş telefon fırıldaqçıları tərəfindən aldadılaraq dələduz dəstənin qurbanına çevrilir. Peşəsinə görə təzyiqlərlə üzləşən və işsiz qalan hüquqşünas pullarını geri qaytarmaq üçün özü mübarizə aparır.
Filmdə Erkan Canla yanaşı tanınmış aktyorlardan Kemal Uçar, Şahin Sarsu, İbrahim Temizoğlu, Yusuf Uyar, Barış Akkoyun, Rıza Sönmez, Burcu Salihoğlu və digərləri rol alıblar.
JASMİN
