Beynəlxalq Su Təsərrüfatı Sərgi və Konfransını özündə birləşdirən sayca ikinci Bakı Su Həftəsi bu il 12-14 sentyabr tarixlərində baş tutacaq.
Tədbirin təşkilatçısı “Caspian Event Organisers” şirkətindən verilən məlumata görə, Azərbaycanla yanaşı, bütün dünyada mühüm və prioritet sahələrdən biri olan su təsərrüfatı üzrə Bakı Su Həftəsi ilk dəfə olaraq 2024-cü ildə keçirilib. 16 ölkədən 97 şirkətin qatıldığı sərgiyə 4,5 minə yaxın ziyarətçi qatılıb. Sərgi çərçivəsində bir sıra panel müzakirələr, işgüzar B2B görüşlər keçirilib, yerli və xarici şirkətlərin nümayəndələri arasında əməkdaşlıq imkanları müzakirə olunub.
Bakı Su Həftəsi çərçivəsində təşkil olunan Bakı Su Həftəsi Beynəlxalq Konfransı isə su ehtiyatlarının idarə edilməsi, su təchizatı, iqlim dəyişikliyi və onların su ehtiyatlarına təsiri, sudan səmərəli istifadə kimi vacib mövzuları gündəmə gətirib.
