ABŞ Senatı Con Retkliffin ölkənin Mərkəzi Kəşfiyyat İdarəsinin rəhbəri vəzifəsinə namizədliyini təsdiq edib.
“Qafqazinfo” “Reuters” agentliyinə istinadın xəbər verir ki, 74 senator onun namizədliyinin lehinə, 25 nəfər isə əleyhinə səs verib.
Bununla da, Con Retkliff ABŞ-nin yeni administrasiyasının Senat tərəfindən təsdiq olunan ikinci üzvü olub. Senat bundan əvvəl dövlət katibi Marko Rubionun namizədliyini təsdiqləmişdi.
Qeyd edək ki, 59 yaşlı C.Retkliff 2020-2021-ci illərdə Donald Trampın ilk prezidentliyi dövründə ABŞ-nin Milli Kəşfiyyatına rəhbərlik edib. Bundan əvvəl isə beş il müddətində ABŞ Nümayəndələr Palatasının üzvü olub.
