Kiyev, 24 yanvar, AZƏRTAC
Belarus Prezidenti Aleksandr Lukaşenko 15 məhbusu əfv edib. Dövlət başçısı müvafiq Fərmanı yanvarın 24-də imzalayıb.
AZƏRTAC “BELTA”ya istinadla xəbər verir ki, ekstremist fəaliyyətlərinə görə həbs edilmiş beş qadın və üç kişi əfv olunub. Onlardan beş nəfərin uşağı var, bir qadın isə hamilədir.
Narkotik vasitələrin qeyri-qanuni dövriyyəsinə görə məhkum olunmuş yeddi nəfər (o cümlədən üç qadın) artıq əfv olunub. Məhkumlardan altı nəfər cinayəti yetkinlik yaşına çatmamış vaxtda törədib. Yetkinlik yaşında cinayət törədən bir nəfərdə onkoloji xəstəlik aşkar edilib.
Belarus Prezidenti onilliklər ərzində humanizm prinsiplərinə əsaslanaraq 293 nəfəri əfv edib, onların 89 nəfəri qadın, 17 nəfəri isə cinayəti yetkinlik yaşına çatmamış törədənlərdir.
Emil Hüseynli
AZƏRTAC-ın xüsusi müxbiri
Kiyev
