NATO ölkələrinin üç il ərzində Ukraynaya xərclədiyi məbləğ açıqlanıb.
Bakıvaxtı.az bu barədə xarici mətbuata istinadla xəbər verir.
Məlumata görə, NATO ölkələri 2022-ci ilin fevral ayından Ukraynaya 191,2 milyard dollar yardım edib.
Bildirilib ki, yardımın yarıdan çoxu ABŞ tərəfindən verilib.
Bu məbləğin 43,3 milyard dolları Ukraynanın büdcə sosial xərclərinin maliyyələşdirilməsinə, təxminən 13,4 milyard dolları humanitar yardıma yönəldilib, 133,4 milyard dollarlıq isə silah-sursat ötürülüb.
ABŞ, agentliyin hesablamalarına görə, yardım üçün 103,8 milyard dollar ayırıb. Onların əksəriyyəti (68,9 milyard dollar) silah tədarükləridir.
Qeyd olunub ki, Almaniya ölkəyə 17 milyard dollar ayırıb ki, bu da NATO-nun 32 ölkəsinin verdiyi bütün yardımın 8,9%-ni təşkil edir. Böyük Britaniyanın payına 14,8 milyard dollar vəsait ayrılıb.
Mina Mikayılova
