ABŞ Prezidenti Donald Tramp şənbə günü bəzi federal qurumlara nəzarət edən müstəqil baş müfəttişlərin işdən çıxarılması barədə göstəriş verdiyini təsdiqləyib.
Day.Az xəbər verir ki, Tramp Nevada ştatının Las-Veqas şəhərindən Florida ştatının Mayami şəhərinə uçarkən Ağ Evin mətbuat hovuzunun müxbirlərinin suallarını cavablandırıb və bu addımı "olduqca rutin" bir prosedur adlandırıb. "Bəzi insanlar bu müfəttişlərin haqsızlıq etdiklərini və ya öz işlərini düzgün yerinə yetirmədiklərini söylədilər," - deyə Tramp əlavə edib.
Politico-nun məlumatına görə, işdən çıxarılanlar arasında Dövlət Departamenti, Pentaqon, Energetika Departamenti və Kənd Təsərrüfatı Departamentinin müfəttişləri də var. Bununla belə, bəzi qurumlarda, o cümlədən Ədliyyə Departamenti və Daxili Təhlükəsizlik Departamentində müfəttişlər işlərini davam etdirirlər.
Bildirilir ki, işdən çıxarılan bəzi müfəttişlər Trampın bu qərarına etiraz etməyi planlaşdırır, çünki onların işdən azad edilməsi Konqresin təsdiqi olmadan həyata keçirilib.
Prezident əlavə edib ki, "bütün" müfəttişlər işdən çıxarılmayıb və boş qalan vəzifələrə öz tərəfdarlarını təyin etməyəcəyinə dair əminlik ifadə edib.
