Bu gün Azərbaycan Premyer Liqasında XX tura yekun vurulacaq.
KONKRET.az xəbər verir ki, sonuncu oyun günündə 2 matç keçiriləcək.
Əvvəlcə “Araz-Naxçıvan” “Neftçi”ni qəbul edəcək. Görüş saat 16:00-da başlayacaq.
Tura “Qarabağ” – “Turan Tovuz” matçı ilə yekun vurulacaq. Qarşılaşma saat 18:30-da start götürəcək.
Azərbaycan Premyer Liqası
XX tur
26 yanvar
16:00. “Araz-Naxçıvan” – “Neftçi”
Hakimlər: Rauf Cabarov, Zöhrab Abbasov, Teymur Teymurov, Elvin Bayramov.
“Liv Bona Dea Arena”
18:30. “Qarabağ” – “Turan Tovuz”
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov.
Tofiq Bəhramov adına Respublika stadionu
Qeyd edək ki, turun əvvəlki oyunlarında “Zirə” səfərdə “Şamaxı”nı 2:1, “Səbail” evdə “Kəpəz”i 1:0 hesabı ilə üstələyib. “Sabah” – “Sumqayıt” matçında hesab açılmayıb.
