Məşhur müğənni Sevda Əliqızı şirniyyat bişirməyə olan sevgisindən danışıb. “Xəzər axşamı” verilişində qonaq olan sənətçi, şəxsi şirniyyat biznesinə sahib olduğunu bildirib. Maraqlısı odur ki, ifaçı bütün məhsulları şəxsən özü hazırlayır.
Sevda Əliqızı açıqlamasında bu fikirləri səsləndirib:"Şirniyyat bişirməyi sevirəm. Amma çox adam mənə rişxənd edir.”
Verilişin aparıcısı Mətanət Əliverdiyeva isə Sevdanı tənqid edənlərə sərt reaksiya verib. O, insanların müğənniyə qarşı mənfi münasibətini belə şərh edib:"Baxıram, canlı yayımda Sevda blinçik bişirir. Altdan isə nələr yazırlar. Kaş elə siz də onun kimi nəsə edə biləydiniz.”
Sevda Əliqızı şirniyyat bişirməyə qarşı sevgisinin peşəkar fəaliyyətinə mane olmadığını vurğulayıb. O, bu məşğuliyyəti ilə öz yaradıcılığı arasında balans qura bildiyini deyib.
