"Əvvəllər heç vaxt qar voleybolu oynamamışdım, amma təcrübədən keçirdim və alındı."
İdman.biz xəbər verir ki, bunu "Azərreyl"in heyətində qar voleybolu üzrə Azərbaycan çempionu olan Larisa Smeltsova deyib.
Çimərlik voleybolu üzrə ölkə çempionu olan idmançı yeni təcrübəsindən danışıb: “Olduqca maraqlı təcrübə idi. Məncə, qar voleybolunun böyük gələcəyi var. Çempionat daha çox sınaq xarakteri daşısa da, inanıram ki, gələn il ona maraq daha da artacaq”.
O, voleybolda getdikcə universal oyunçuların çoxalmasını da vurğulayıb: “Biz peşəkar olmalı və istənilən çağırışı qəbul etməliyik. İstər çimərlik, istər qar və ya klassik voleybol. Hər halda, ili qələbə ilə başlamaq çox xoşdur”.
Zəki Feyzullayev
İdman.biz
