"Real Madrid"də Kriştiano Ronaldunun komanda yoldaşı olan futbolçu Emmanuel Adebayor portuqaliyalının məşqə 3-4 saat tez gəldiyini bildirib. Manset.az bu barədə Goal-a istinadən xəbər verir. “Məşq saat 10:30-da başlayıb, o, 7:30-da gəlir. Üç-dörd saat əvvəl. Baxmaq sadəcə inanılmazdır. Mükəmməl bir nümunə. O, həmişə ən yaxşı olmaq istəyir", - Adebayor bildirib. Ronaldu ailəsi ilə birlikdə Səudiyyə Ərəbistanına köçüb və 2023-cü ilin yanvarından "Əl-Nəsr"in hücumçusu olub. Ümumilikdə o, komandanın heyətində bütün turnirlərdə 90 oyun keçirib, 81 qol vurub. Futbolçunun komanda ilə hazırkı müqaviləsi 2024/25 mövsümünün sonuna kimidir. Artıq mediada tərəflərin əmək müqaviləsinin uzadılması ilə bağlı razılığa gəldiyi bildirilir. Yeni müqavilənin şərtlərinə görə, Ronaldu klubun 5%-lik səhminin sahibi olacaq.
