Ailəsi ilə Beyoğluda yaşayan və Özəl İtalyan Liseyinin 8-ci sinif şagirdi olan Minguzzi skeytbord ləvazimatları almaq üçün dostları ilə birlikdə Kadıköy Çərşənbə axşamı bazarında qurulan bit bazarına gedib. Lakin bu adi alış-veriş səfəri dəhşətlə sonlanıb.
Sonxeber.az xarici mediaya istinadən xəbər verir ki, "Sabah" qəzetində yer alan xəbərə görə, bazarda bir nəfər çiynini Minguzziyə vuraraq "çox yaraşıqlısan"- deyib. Minguzzi "Bağışla,necə, qardaş" deyə cavab verəndə hücum edən şəxs bir neçə metr uzaqlaşaraq əlində bıçaqla geri qayıdıb və "mən sənin hardan qardaşın oluram?" - deyərək gənci hədəfə alıb.
Hücum edən B.B. (15) əlindəki bıçaqla Minguzziyə sinəsindən 5 bıçaq zərbəsi vurub. Həmin vaxt onun yanında olan digər hücumçu U.B. (16) qanlar içində yerdə yatan gənci təpikləyib.
Hadisə bazarın təhlükəsizlik kameralarına anbaan qeydə alınıb və mağaza sahibləri müdaxilə etmək fürsəti tapana qədər təcavüzkarlar sürətlə hadisə yerindən qaçıblar. Hadisə yerində olan qadın həkim talehsiz uşağa ilkin tibbi yardım göstərib. Minguzzini ürək masajı və ağızdan-ağıza reanimasiya tədbirləri ilə yaşadan həkim təcili yardım gələnə qədər gənc uşağı sağ saxlayıb.
Minguzzi Göztepe Şəhər Xəstəxanasına aparılaraq reanimasiyaya yerləşdirilib.
