Azərbaycanda pensiya məbləğlərinin indeksləşdirilməsi və artırılması ilə bağlı vətəndaşların suallarına Milli Məclisin deputatı Vüqar Bayramov aydınlıq gətirib. 2024-cü ildən etibarən pensiyalarla bağlı tətbiq ediləcək dəyişikliklər “Əmək Pensiyaları haqqında” qanuna uyğun olaraq həyata keçiriləcək.
320 manatdan az pensiya alanların artımı necə olacaq?
Deputat qeyd edib ki, 01 yanvar 2025-ci il tarixindən əvvəl əmək pensiyası hüququ qazanan və pensiya məbləği 320 manatdan az olan şəxslərin pensiyaları iki mərhələli mexanizmlə artırılacaq:
İndeksləşdirmə – Ötən ilin orta aylıq əməkhaqqının artım faizinə uyğun olaraq pensiya məbləği artırılacaq.Məsələn, 2024-cü ildə orta aylıq əməkhaqqı 8% artıbsa, 310 manat pensiya alan şəxsin məbləği 334.8 manata yüksələcək.Birbaşa artım – Pensiya məbləği yeni minimum həddə (320 manata) uyğunlaşdırılacaq.
2025-ci ildən sonra pensiya hüququ qazanan və pensiyası 320 manatdan az olan şəxslərə birbaşa 14.3%-lik artım tətbiq ediləcək. Beləliklə, bu şəxslərin pensiyası minimum 320 manata çatdırılacaq və indeksləşdirmə tətbiq olunmayacaq.
“Əmək Pensiyaları haqqında” Qanuna əsasən:Pensiyalar hər il orta aylıq əməkhaqqı artım faizinə uyğun indeksləşdirilir.Bu artım yaşa görə, əlilliyə görə və ailə başçısını itirməyə görə əmək pensiyalarının hər bir növünə şamil olunur.
