Polşa prezidenti Anjey Duda deyib ki, Rusiyadan Avropaya təbii qaz daşıyan “Şimal axını” boru kəmərləri Mərkəzi Avropa ölkələri üçün təhdid yaradı” və buna görə də sökülməlidir.BBC-yə danışan Duda bildirib ki, Rusiya-Ukrayna müharibəsində sülh razılaşması əldə olunsa belə, Rusiyadan təbii qaz axını yenidən bərpa edilməməlidir.“Şimal axını” boru kəmərlərinin Ukrayna, Polşa və Slovakiya kimi ölkələr üçün enerji, hərbi və iqtisadiyyat baxımından böyük təhlükə yaratdığını qeyd edən Duda, bunun Rusiyanın Avropa üzərində iqtisadi üstünlüyünü göstərdiyini deyib.“Düşünürəm ki, “Şimal axını” boru kəmərləri sökülməlidir”, - Duda bildirib. O əlavə edib ki, Almaniya kimi ölkələr iqtisadi problemlərini həll etmək üçün Rusiyaya müraciət etməli olmayacaqlar.Prezident Duda ABŞ prezidenti Donald Trampın dövründə Ukraynada sülhün əldə olunması məsələsinə də toxunub.Onların keçmişinə toxunan Duda qeyd edib ki, Ukraynasız sülh danışıqları aparıla bilməz. Duda bildirib ki, Rusiyanın Ukraynada ərazi almasına icazə verilməsi beynəlxalq hüququn pozulmasıdır.Duda Trampın müharibədə əsas rola malik olduğunu əsas gətirərək Rusiyanın müharibədə qalib gəlməsinə imkan verilməməli olduğunu vurğulayıb.Xatırladaq ki, 2022-ci ilin sentyabrında “Şimal axını” boru kəmərlərinə edilən hücumlar Baltik dənizi vasitəsilə Rusiya və Almaniyanı birləşdirən boru kəmərlərinə böyük ziyan vurub.Qeyd edək ki, Rusiyanın enerji şirkəti "Qazprom" yanvarın 1-də Ukrayna üzərindən Avropaya təbii qaz nəqlinin dayandırıldığını açıqlayıb.
