Azərbaycanın tanınmış MMA döyüşçüsü, 8 qat Azərbaycan çempionu, sosial şəbəkələrdə böyük izləyici kütləsi olan gənc xanım idmançı Tulin Ələkbərova növbəti qələbəsini qazanıb.
İnterpress.az xəbər verir ki, dünən, yanvarın 26-da Tovuz şəhərində MMA turniri keçirilib.
Turnirdə 8 qat Azərbaycan çempionu Tulin Ələkbərova 60 kq çəki dərəcəsində Gülay Hüseyova ilə üz-üzə gəlib.
3 raund baş tutan döyüşdə Tulin Ələkbərova inamla mübarizə apararaq qalib gəlib.
İdmançının məğlub olan rəqibi Gülay Hüseyova Tulinin qələbəsini göz yaşları ilə izləyib.
Qeyd edək ki, Ələkbərova Tulinin qalibiyyət sayı 9-8-1-dir.
İnterpress.az
