2027-ci ildə keçiriləcək Avropa çempionatının püşkatmasının qaydaları bəlli olub.
İdman.biz xəbər verir ki, seçmə mərhələnin püşkatması fevralın 6-da Nyonda keçiriləcək.
51 yığma 9 qrupda yer alacaq. Seçmə mərhələsində 6 qrupda altı, 3 qrupda isə beş komanda yarışacaq. AVRO-2027 turnirinə ev sahibliyi edəcək Albaniya və Serbiya birbaşa final mərhələsində iştirak etmək hüququ qazanıb. Lixtenşteyn Futbol Federasiya isə seçmə mərhələsində iştirakdan imtina edib.
Final mərhələsində 16 komanda mübarizə aparacaq. Çempionatın nətəcələrinə görə, Los-Anceles-2028 Olimpidasına vəsiqə qazanacaq yığmaların adlarına aydınlıq gələcək.
AVRO-2027-nin səbətləri:
1-ci səbət:. İspaniya, İngiltərə, Portuqaliya, Niderland, Almaniya, Fransa, Ukrayna, İtaliya, Danimarka
2-ci səbət: Rumıniya, İsveçrə, Xorvatiya, Çexiya, Polşa, Norveç, Belçika, Gürcüstan, İrlandiya
3-cü səbət: Sloveniya, Finlandiya, İsveç, Avstriya, Slovakiya, Yunanıstan, İslandiya, Macarıstan, Bolqarıstan
4-cü səbət: Şotlandiya, Uels, İsrail, Şimali Makedoniya, Türkiyə, Kosovo, Şimali İrlandiya, Farer adaları, Moldova
5-ci səbət: Belarus, Monteneqro, Bosniya və Hersoqovina, Kipr, Latviya, Litva, Qazaxıstan, AZƏRBAYCAN, Lüksemburq
6-cı səbət: Estoniya, Malta, Ermənistan, Andorra, Cəbəllütariq, San-Marino.
İdman.biz
