Ayşe Barım istintaqı çərçivəsində ifadə verən aktyorlar Halit Ergenç və Rıza Kocaoğlu haqqında "yalan ifadə vermə" səbəbi ilə istintaq başladılıb.
"Unikal" axsam-a istinadən xəbər verir ki, "İD İletişim" şirkətinin meneceri və sahibi Ayşe Barım isə “Türkiyə Cümhuriyyəti hökumətini devirməyə cəhdlərə kömək etmək və ya onun vəzifələrini yerinə yetirməsinə mane olmaq” ittihamı ilə həbs olunması tələbi ilə Sülh Cəza Məhkəməsinə sövq edildiyi halda, prokurorluqda 2,5 saatlıq ifadə verdikdən sonra Halit Ergenç və Rıza Kocaoğlu ilə bağlı yeni məlumatlar üzə çıxıb.
Sözügedən şəxslər Gəzi Parkı etirazlarına öz istəkləri ilə qatıldıqlarını desələr də, prokuror istintaqa əsas kimi etirazların başladığı vaxt onların Ayşe Barımla əlaqə saxlamasını göstərib.
Prokuror, Gəzi parkında Ayşe Barımla birlikdə olduğu iddia edilən Kocaoğlu və Ergençin şübhəlinin lehinə qaçaraq cavablar verdiyi qənaətinə gəlib. Bundan əlavə, aktyor Memet Ali Alabora ilə etiraz edən görüntüləri ilə bağlı açıqlamaları, o zaman heç bir əlaqəsi olmadığını bildirməsi “yalançı ifadə” araşdırmasına səbəb olub.
Qeyd edək ki, Fuat Uğurun "TV100"də yazdığı məqalədən sonra kino və serial sektorunda təlatüm yaşanıb. Uğurun yazısında idarəetmə şirkətinin “inhisarlaşma” səyləri ilə yanaşı, Serenay Sarıkaya ilə Mert Dəmir arasındakı münasibətlə bağlı “5 milyon dollar qarşılığında reklam əlaqəsi” ifadəsi də yer alıb. Rəqabət Şurası bəzi idarə şirkətləri, xüsusilə də Ayşe Barımın sahibi olduğu və sektorda bir çox məşhur adı təmsil edən "ID İletişim" şirkəti haqqında araşdırma başladıb. Şirkətin sahibi Ayşe Barım isə bu gün saxlanılıb.
