Özbəkistanın paytaxtı Daşkənddə Beynəlxalq Türk Dövlətləri Universiteti yaradılacaq.
Özbəkistan prezidenti Şavkat Mirziyoyev Beynəlxalq Türk Dövlətləri Universitetinin yaradılması haqqında fərman imzalayıb. Universitet mühəndislik, tikinti, logistika, informasiya texnologiyaları, səhiyyə, kənd təsərrüfatı, qida sənayesi, iqtisadiyyat və sosial elmlər kimi sahələr üzrə beynəlxalq standartlara uyğun təhsil verəcək.
2025-2026-cı tədris ilində fəaliyyətə başlayacaq universitetin təhsil sistemi beynəlxalq reytinqlərdə ilk 1000 universitet arasında yer alan Türkiyənin ali təhsil müəssisələrinin tədris proqramları əsasında qurulacaq və Özbəkistan qanunlarına uyğun çalışacaq.
