Kreml Rusiya nümayəndə heyətinin Suriyanın yeni hakimiyyət orqanları ilə apardığı danışıqları şərh edib.
APA-nın Moskva müxbiri xəbər verir ki, Kremlin sözçüsü Dmitri Peskov Rusiya nümayəndə heyətinin Suriyaya səfərini vacib adlandırıb.
“Bu, vacib səfərdir. Bu mühüm təmasdır. Suriya hakimiyyəti ilə daimi dialoq qurmaq və təmas saxlamaq lazımdır, hansı ki, biz bunu edirik və bundan sonra da edəcəyik", deyə Putinin mətbuat katibi vurğulayıb.
Qeyd edək ki, Rusiya xarici işlər nazirinin müavini Mixail Boqdanov və prezidentin Suriya üzrə xüsusi nümayəndəsi Aleksandr Lavrentiyev Dəməşqə səfər edib və Suriyanın yeni rəhbərliyi ilə görüş keçirib.
