Dünyada bir çox çılğın futbol derbisi mövcuddur və bunlar həm oyun, həm də atmosfer baxımından böyük həyəcan yaradır.
Yenisabah.az dünyaca məşhur və çılğın derbiləri təqdim edir:
Superklassiko
Dünyanın ən gərgin və ehtiraslı derbilərindən biridir. “Boka Juniors” və “River Pleyt” arasındakı oyunlar, xüsusilə Buenos Airesdə çox böyük həyəcanla keçir və fanatlar arasında bəzən fiziki qarşıdurmalar belə yaşanır.
El-Klassiko
Hər zaman yüksək səviyyəli oyunla yanaşı, bu derbi siyasi və mədəni baxımdan da böyük əhəmiyyət daşıyır. “Real Madrid” – “Barselona” derbisi ünyanın ən çox izlənilən futbol matçlarından biridir.
“Qitələrarası” derbi
İstanbulun ən böyük iki klubu olan “Qalatasaray” və “Fənərbaxça” arasındakı oyunlar hər zaman çox gərgin olur. Bu derbi həm futbol, həm də sosial baxımdan böyük bir hadisədir.
“Old Firm” derbisi
Şotlandiyanın ən böyük iki klubu arasındakı bu qarşılaşma, xüsusilə dini və siyasi faktorlardan dolayı çox yüksək tempdə keçir. “Seltik” və Reyncers” arasındakı bu derbi Şotlandiyanın futbol kulturasının mərkəzidir.
“Mançester” derbisi
Bu iki komanda arasındakı qarşılaşmalar, şəhər içindəki üstünlük üçün mübarizə aparan iki klub arasındadır. Son illər “Manchester Siti”nin yüksəlişi ilə, bu derbi daha da gərginləşib.
“Derbi della Madonnina”
Milan derbisi şəhər daxilindəki iki böyük komanda olan “Milan” və “İnter” arasında oynanır. Bu oyun həm texniki, həm də emosional baxımdan çox həyəcan vericidir.
Nazim Hacıyev
Telegram kanalımız
