Yanvarın 21-dən - vəzifəyə başladıqdan bir gün sonra ABŞ-ın yeni seçilmiş prezidenti Donald Trampın administrasiyası qeyri-qanuni mühacirlərin kütləvi şəkildə deportasiyası ilə bağlı seçkiqabağı vədlərini həyata keçirməyə başladı.
Adalet.az xəbər verir ki, bu gün ilk "miqrantlara qarşı genişmiqyaslı reyd" Çikaqoda başlayıb Çikaqodan sonra miqrantların deportasiyası Nyu-York, Los-Anceles, Denver və Mayamidə həyata keçiriləcək.Nüfuzlu “Bloomberq” nəşri bildirir ki, 11 milyona yaxın xarici ölkə vətəndaşı ABŞ-dən deportasiya olunacaq.
Siyahıya 709 Azərbaycan, 3103 Türkiyə, 3518 Rusiya, 1862 Ukrayna və 2808 Ermənistan vətəndaşı miqrant kimi yer alıb. Siyahıya 37 908 Çin vətəndaşı və 17 940 Hindistan, xüsusən Latın Amerikası ölkələrinin çox sayda vətəndaşı daxildi.
Qeyd edək ki, yanvarın 27-də ABŞ Nümayəndələr Palatasının spikeri Mayk Conson bildirib ki, Birləşmiş Ştatlar ABŞ-da qeyri-qanuni yaşayan vətəndaşlarını geri almaqdan imtina edən ölkələrə qarşı sanksiyalar tətbiq etməyə hazırdır.
Əntiqə Rəşid
