Danilo “Yuventus”u tərk edib.
Sportinfo.az Turin klubunun rəsmi saytına istinadən xəbər verir ki, tərəflər qarşılıqlı razılıq əsasında müqaviləyə xitam veriblər.
“Yuventus” braziliyalı futbolçuya təşəkkür edib:
“Hər şey üçün təşəkkür edirik, gələcəkdə uğurlar, çempion”.
Danilo Turin təmsilçisinin heyətində 213 oyun keçirib, 9 qol vurub. O, “Yuventus”la bir dəfə İtaliya çempionu olub, həm də ölkə kubokunu və superkuboku qazanıb.
“Yuventus” İtaliya A Seriyasında keçirdiyi 22 oyundan sonra 37 xalla turnir cədvəlinin 5-ci pilləsində qərarlaşıb.
