Avropanın ən böyük iqtisadiyyatı olan Almaniyada ötən il ölkə əhalisinin 20,9 faizini təşkil edən 17,6 milyon insan yoxsulluq və ya sosial təcrid riski ilə üzləşib.Almaniya Federal Statistika İdarəsi (Destatis) gəlir və yaşayış şəraiti ilə bağlı 2024-cü ilin məlumatlarını açıqlayıb.Müvafiq olaraq, 2024-cü ildə Almaniya əhalisinin 20,9 faizini təşkil edən 17,6 milyon insan yoxsulluq və ya sosial təcrid riskindən təsirlənib. Başqa sözlə, hər beş nəfərdən biri yoxsulluq və ya sosial təcridlə üzləşib.2017-ci ildə Almaniya əhalisinin 19 faizini təşkil edən 15,5 milyon insan yoxsulluq və ya sosial təcrid riski ilə üzləşib.Destatisin fikrincə yoxsulluq və ya sosial təcrid riski ilə üzləşmək üçün insanlar üç meyardan ən azı birinə cavab verməlidirlər: yoxsulluq səviyyəsindən aşağı gəlir, ciddi maliyyə məhrumiyyəti və çox aşağı iş intensivliyi olan ev təsərrüfatlarında yaşamaq.2024-cü ildə ümumi milli məhsulun (ÜDM) 5,5 trilyon avro olaraq hesablandığı Almaniyada keçən il əhalinin təxminən yüzdə 15,5-inə bərabər olan 13,1 milyon insan yoxsulluq həddinin altında yaşayıb.Avropa İttifaqının (Aİ) meyarlarına görə, gəliri ümumi əhalinin ümumi gəlirinin 60 faizindən az olan şəxs yoxsulluq riski altında sayılır. 2024-cü ildə Almaniyada yaşayan bir nəfər üçün yoxsulluq riski həddi ayda 1378 avro, 14 yaşından kiçik iki uşağı olan iki böyük üçün isə ayda 2893 avro müəyyən edilib.2024-cü ildə beş milyon insan əhəmiyyətli maddi və sosial məhrumiyyətlərə məruz qalıb.Maliyyə resurslarının olmaması o deməkdir ki, yoxsulluq həddində yaşayanlar kirayə, ipoteka və ya kommunal xidmətlərini ödəmək, evlərini adekvat şəkildə qızdırmaq və ya bir həftəlik tətili maliyyələşdirmək üçün mübarizə aparırlar.Mütəxəssislərin fikrincə Almaniyanın böyük şəhərlərində ev qiymətlərinin və kirayələrin artması insanları yoxsulluğa sürükləyir.
