Basketbol üzrə Azərbaycan Kubokunda 1/8 final mərhələsinə yekun vurulub.
Futbolpress.az xəbər verir ki, ikinci oyun günündə daha iki qarşılaşma keçirilib. Əvvəlcə “Gəncə” “Ordu” kollektivinə 81:62 hesabı ilə qalib gəlib. Daha sonra “Neftçi” “Sumqayıt”ı 103:90 hesabı ilə üstələyib.
Beləliklə, 1/4 finalda “Gəncə” “Sərhədçi”yə, “Neftçi” isə “Sabah”a rəqib olub.
Ötən gün “Abşeron” “Quba”nı (96:94), NTD “Lənkəran”ı (87:73) məğlub edib. “Naxçıvan”, “Sabah”, “Sərhədçi” və “Şəki” komandaları mübarizəyə 1/4 finaldan start verəcəklər.
