Beynəlxalq İdman Araşdırmaları Mərkəzi (CIES) dünyanın 42 milli liqasında klubların cari mövsümün qalan hissəsində hər oyun üçün mümkün xal hesabını açıqlayıb.
AZƏRTAC CIES-in rəsmi saytına istinadən xəbər verir ki, komandaların hazırkı çıxışına əsasən tərtib olunan siyahıda Azərbaycan Premyer Liqası ilə bağlı statistika da yer alıb.
İlk pillədə ölkə çempionatının lideri “Qarabağ” qərarlaşıb. Ağdam təmsilçisində bu göstərici 2,57 xala bərabərdir. İkinci sırada liderin ən yaxın izləyicisi “Araz-Naxçıvan” yer alıb - 1,90.
“Sabah” (1,86) üçüncü, “Turan Tovuz” (1,85) dördüncü, “Zirə” (1,64) beşincidir.
Misli Premyer Liqasında sonrakı yerləri, müvafiq olaraq, “Sumqayıt” (1,03), “Neftçi” (1,01), “Şamaxı” (0,84), “Kəpəz” (0,61) və “Səbail” (0,54) bölüşdürür.
