«Əlbəttə, biz hər oyunda qələbə üçün meydana çıxırıq və bu, bundan sonra da belə olacaq».
«Sumqayıt»ın müdafiəçisi Sərtan Taşkın Sportinfo.az-a açıqlamasında belə deyib.
O, «mövsümün ikinci yarısı hədəfiniz orta pillələrdən qalmaq olacaq, yoxsa daha iddialısız» sualına cavabında bunları söyləyib:
«İstəyimiz mümkün qədər yuxarı pillələrdə yer almaqdır. Bunu bacaracaq komandamız var.
«Sabah»la qarşılaşmanın nəticəsi də, məncə, çox şeydən xəbər verir. «Sumqayıt» çempionatda istənilən rəqibə qalib gələ bilər.
Aşağı yerlər bizlik deyil. İnanıram ki, mövsümün qarşıdakı hissəsində nəticələrimiz daha da yaxşılaşacaq».
«Gənclik şəhəri» təmsilçisi Premyer Liqanın geridə qalan 21 turunda 20 xal toplayıb və turnir cədvəlinin 6-cı pilləsində yerləşib.
