Futbol üzrə UEFA Çempionlar Liqasında Liqa mərhələsinin 8-ci turunun “Zalsburq”la oyunu Madrid “Atletiko”su üçün əlamətdar olub.
Arena.az xəbər verir ki, İspaniya klubu UEFA Çempionlar Liqasındakı rekordunu təkrarlayıb.
Madrid təmsilçisi buna Avstriyada “Zalsburq”a qalib gəlməklə (4:1) nail olub. Dieqo Simeonenin baş məşqçisi olduğu kollektiv 1973/1974 mövsümündən bəri ilk dəfə UEFA Çempionlar Liqasının (Avropa Çempionlar Kuboku) bir mövsümündə səfərdə üç qələbə qazanıb.
Xatırladaq ki, Madrid “Atletiko”su daha əvvəl Fransada PSJ-ni (2:1), Çexiyada Praqa “Sparta”sını (6:0) üstələmişdi.
UEFA Çempionlar Liqasının Liqa mərhələsini 18 xalla 5-ci pillədə başa vurmuş “Atletiko” birbaşa 1/8 finala vəsiqə qazanıb.
