“Səhər yeməyini buraxmayan insanlar sağlamlıq problemlərindən daha az şikayət edirlər”.
Yeniavaz.com xəbər verir ki, bu barədə dietoloq Kristina Prişvina “Moskva 24” telekanalına bildirib.
Prişvinanın sözlərinə görə, müntəzəm olaraq səhər yeməyi yeyən insanlar gün ərzində daha stabil insulin və qlükoza səviyyəsinə malikdirlər:
“Bu, performansı yaxşılaşdırmaq və yorğunluğu və əsəbiliyi azaltmaq üçün vacibdir. Bundan əlavə, səhər yeməyindən sonra insanın iştahını tənzimləyən hormonların səviyyəsi sabitləşir. Buna görə də, insan səhər yemək yesə, gün ərzində daha az qida qəbul edəcək”.
