"Rəqibi təbrik edirəm. Çox vacib qalibiyyət əldə edərək pley-off mərhələsinə çıxdılar. Onlara növbəti mərhələdə uğurlar arzulayıram".
İdman.biz xəbər verir ki, bunu "Qarabağ"ın baş məşqçisi Qurban Qurbanov "Olimpiakos"la oyundan sonra deyib.
Təcrübəli mütəxəssis Avropa Liqasının sonuncu turunda 0:3 hesablı məğlubiyyəti şərh edib: "Bu gün yaxşı atmosfer vardı. Çox dinamik oyun getdi. Futbolçularımın yaxşı mübarizə aparması mənim üçün çox vacib idi. Onların ifasında bunu gördüm. Əfsuslar olsun ki, futbol səhvlər üzərində qurulub. Texniki səhvlərdən sonra qapımızda üç qol gördük. Hər bir halda avroliqa bizim üçün bitmişdi. Düşünürəm ki, növbəti mövsümə hazırlaşmaq üçün builki oyunlar bizim üçün böyük təcrübə oldu. Ümumiyyətlə, Avropada futbol tamamilə dəyişir. Məncə, biz gələn il üçün böyük fayda əldə etdik. Hər bir halda futbolçularımın yanındayam. Ötən illərdə belə mərhələlərdən keçmişik, həm uğurlarımız, həm də uğursuzluqlarımız olub".
Qeyd edək ki, "Qarabağ" səfərdə "Olimpiakos" 0:3 hesabı ilə uduzub.
Aytac Sahəd
İdman.biz
