Bu məktəbə yeni direktor təyin edildi

Zəngilan rayonu Ağalı kənd tam orta ümumtəhsil məktəbinə yeni direktor təyin olunub.TehsilForumu.Az Modern.az-a istinadən bildirir ki, bu barədə Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov əmr imzalayıb.Müvafiq əmrlə bu vəzifəyə Niftəliyev Azər Əlizamin oğlu təyin edilib.A.Niftəliyev bu vəzifəyə təyin olunanadək Zəngilan rayonu 10 nömrəli tam orta ümumtəhsil məktəbində təlim-tərbiyə işləri üzrə direktor müavini vəzifəsində çalışıb.Xatırladaq ki, məktəbin bundan əvvəlki direktoru Nərmin Həsənova bu ilin iyul ayında səhhəti ilə əlaqəli ərizə yazaraq işindən ayrılıb. Direktor vəzifəsi həmin məktəbin coğrafiya müəllimi Sahil Aslanlıya həvalə olunmuşdu.Qeyd edək ki, məlumatı bundan əvvəl “Report” yayıb. Şərqi Zəngəzur Regional Təhsil İdarəsi təyinat xəbərini təsdiqləyib.