Bartının (Türkiyə) Ulus rayonunun Hacıçərçi kəndində, Kürə dağlarının sərhəddində yerləşən oteldə yanğın baş verib.
“İki sahil”in “Haber Global”a istinadən verdiyi məlumatına görə, naməlum səbəbdən baş verən yanğın qorxu və təşvişə səbəb olub.
Bölgəyə Bartın və ətraf rayonlardan yanğınsöndürənlər, tibb qrupları və hüquq-mühafizə qüvvələri göndərilib.
Tüstüdən zərər çəkənlərin olduğu bildirilir.
Güclü külək söndürmə işlərini çətinləşdirsə də, qruplar alovun meşəlik əraziyə keçməsinin qarşısını almaq üçün səylə çalışırlar.
Məhərrəm Ağalaroğlu, “İki sahil”
