Əmək və Əhalinin Sosial Müdafiəsi Nazirliyi yanında İctimai Şuranın üzvü, tanınmış iqtisadçı-ekspert Aslan Əzimzadə yeni ilin ilk müjdəsini paylaşıb. O bildirib ki, Odlar Yurdu Universitetinin təşkilatçılığı ilə keçirilən “Ağıllı ətraf mühit və yaşıl texnologiyalar” adlı beynəlxalq elmi konfrans üçün yazılmış məqalə nüfuzlu Springer nəşriyyatında dərc olunub.
QHT.az xəbər verir ki, Aslan Əzimzadə həmmüəllifləri bu uğur münasibətilə təbrik edərək elmi işin beynəlxalq səviyyədə tanınmasının böyük əhəmiyyət kəsb etdiyini vurğulayıb. Bu nailiyyət Azərbaycan alimlərinin beynəlxalq elmi ictimaiyyətdə mövqeyinin güclənməsinə töhfə verir.
Qeyd edək ki, “Ağıllı ətraf mühit və yaşıl texnologiyalar” mövzusunda keçirilən bu konfrans ekoloji və texnoloji problemlərin həlli istiqamətində innovativ yanaşmaların müzakirəsinə həsr olunub.
Pərvanə Fərhadqızı
