Türkiyənin Ankara şəhərində sahibsiz it sürüsü bir şəxsə hücum edərək onu bir neçə dəfə dişləyiblər.
Medianews.az “NTV”yə istinadən xəbər verir ki, itlər ayağını dişlədikdən sonra kişi əlləri ilə özünü müdafiə etməyə çalışsa da yerə yıxılıb.
İtlərin dişləməsi nəticəsində xəsarət alan şəxs, çətinliklə ayağa qalxaraq ərazidən qaçıb.
Həmin küçədə itlərin hücumuna məruz qalan başqa bir vətəndaş isə əlindəki çanta ilə özünü müdafiə edərək, hücumdan xilas olub.
Qeyd edək ki, bölgədə belə it hücumlarının tez-tez baş verdiyini bildirən vətəndaşlar səlahiyyətliləri tədbir görməyə çağırıb.
