ABŞ-nin Florida ştatında beynəlxalq hava limanına enən "JetBlue" aviaşirkətinə məxsus təyyarənin şassisində iki cəsəd tapılıb.
"Cebheinfo.az" xəbər verir ki, aviaşirkətdən verilən açıqlamada Nyu-Yorkdan havaya qalxan və Floridanın “Fort Lauderdale-Hollywood” Beynəlxalq Hava Limanına enən “JetBlue” təyyarəsinin eniş şassisində gizlənən iki nəfərin donaraq öldüyü bildirilib.
Bəyanatda cəsədlərin təyyarə eniş etdikdən sonra həyata keçirilən adi yoxlama zamanı aşkar edildiyi bildirilib:
"Onların təyyarəyə necə daxil olması hələ də araşdırılır".
Bildirilib ki, Airbus A320 tipli təyyarə sonuncu dəfə bazar ertəsi gecə Nyu-York Con Kennedi Beynəlxalq Hava Limanından 1801 saylı reyslə Floridaya enib. ABŞ mətbuatında sözügedən iki şəxsin Yamayka vətəndaşı olması ilə bağlı xəbərlər hələ də rəsmi orqanlar tərəfindən təsdiqini tapmayıb.
