Budapeştin “prioriteti Aİ və ABŞ-ı deyil, Rusiyanı gücləndirmək olarsa”, Ukrayna Macarıstanın Avropa İttifaqı və NATO-dakı yerini tutmağa hazırdır.
Oxu24.com xəbər verir ki,bunu Ukraynanın xarici işlər naziri Andrey Sibiqa X sosial şəbəkəsində bildirib.
"Macarıstan MDB və ya KTMT-yə üzvlük lehinə onu boşaltmaq qərarına gələrsə, Ukrayna Aİ və NATO-da boş yer tutmağa hazır olacaq", - XİN rəhbəri yazıb.
Onun sözlərinə görə, Macarıstan ABŞ və digər müttəfiqlərin Avropanın enerji bazarına çıxışına mane olan “Rusiyayönlü mövqe” tutur.
Sibiqa Macarıstan rəhbərliyinin Ukraynanın 2025-ci ildən Rusiya qazının tranzitini uzatmamaq qərarının Aİ istehlakçıları üçün qiymətlərə mənfi təsir göstərdiyi barədə bəyanatlarını “manipulyasiya” adlandırıb.
Yanvarın 7-də Macarıstanın xarici işlər naziri Peter Siyarto bildirib ki, Ukrayna hakimiyyəti Aİ ilə regional birliyin üzvü olan ölkələrə Rusiya qazının nəqli marşrutlarının saxlanmasını nəzərdə tutan Assosiasiya sazişinə əməl etməlidir. Onun sözlərinə görə, Rusiya Federasiyasından qaz tranzitinin dayandırılması Avropada yanacağın qiymətinin 20% artmasına səbəb olub.
Ukrayna 2024-cü il dekabrın 31-də hazırkı müqavilənin müddəti bitdikdən sonra Rusiya ilə qazın Avropaya tranziti ilə bağlı müqaviləni yeniləməkdən rəsmən imtina edib. Tranzit dayandırıldıqdan sonra Aİ-də qazın qiyməti 2023-cü ilin oktyabrından bəri ən yüksək səviyyəyə qalxıb. Dnestryanıda tədarükün dayandırılmasından ilk olaraq Moldova əziyyət çəkdi, demək olar ki, bütün müəssisələrin işi tamamilə dayandırıldı;
Daha əvvəl ekspert Ukraynanın Rusiya qazının tranzitindən imtina etməsindən sonra Aİ-nin itkilərini hesablayıb.
Nigar
