Londonun “Vest Hem” klubu ispaniyalı Xulen Lopeteqini baş məşqçi postundan uzaqlaşdırıb.
"Operativ Media" xəbər verir ki, bu haqda klubun mətbuat xidməti məlumat yayıb.
Məlumatda “Mövsümün ilk yarısı klubun ambisiyalarına uyğun gəlmədi. Buna görə də klub qarşıya qoyulan məqsədlərə çatmaq qərarına gəlib. Klub Xulenə və komandasına göstərdikləri zəhmətə görə təşəkkür edir və onlara uğurlar arzulayır” deyə bildirilib.
Xulen Lopeteqi 2024-cü ilin iyul ayında şotlandiyalı David Moyesi əvəz etmişdi.
Xulen Lopeteqini London “Çelsi”sinin sabiq baş məşqçisi Qrem Potterin əvəzləyəcəyi gözlənilir.
