Dünya futbolunun braziliyalı ulduzu Roberto Karlos son günlərdə haqqında yayılmış şayiələrlə bağlı açıqlama verib.
Arena.az xatırladır ki, mətbuatda, Roberto Karlosun 15 il nikahda olduğu arvadından boşandığı və futbolçu ikən çıxış etdiyi, hazırda isə klub strukturunda çalışdığı “Real”ın düşərgəsində məskunlaşdığı haqda məlumat yayılıb.
“Son günlər mənim və ailəm haqqında yalan və böhtan xüsusiyyətli xəbərlərin yayıldığını hiss etməyə başladım. Mən məxfiliyi qiymətləndirsəm də, özümü yaşayış vəziyyətimlə bağlı əsassız şayiələrə cavab verməyə borclu hesab edirəm. Bu uydurma hekayələr tamamilə yalandır və oxucuların diqqətini cəlb etmək üçün hazırlanmış kimi görünürlər.
Mən, ailə üzvlərimin dəstəyi ilə fərdi evdə qalıram. Mənim hüquq komandam bu iddiaları nəzərdən keçirir və onlar buna dair müvafiq tədbirlər görəcəklər. Mən, şəxsi məsələlərlə bağlı məxfilik tələb edirəm. Bu müddət ərzində məni dəstəkləməyə davam edənlərə təşəkkür edirəm”, – Roberto Karlos özünü “X” sosial şəbəkə hesabı üzərindən yazıb.
Ümumilikdə Roberto Karlosun 7 qadından 11 uşağı var.
Xatırladaq ki, Roberto Karlos 1997-2007-ci illərdə “Real”da çıxış edib. Hazırda Karlos “Real”ın klub strukturunda çalışır.
