Qarabağ və Şərqi Zəngəzurda 3,4 min kilometrə yaxın avtomobil yolları inşa edilir.
AZƏRTAC xəbər verir ki, bunu rəqəmsal inkişaf və nəqliyyat nazirinin müavini Rəhman Hümmətov nəqliyyat sahəsində 2024-cü ildə həyata keçirilən tədbirlər və 2025-ci il üçün planlar mövzusunda keçirilən mətbuat konfransında çıxışı zamanı bildirib.
Nazir müavini qeyd edib ki, 2004-cü ildən başlayaraq ölkədə 21 min kilometr avtomobil yolları inşa edilib: “Bu müddətdə 335 körpü və 45 ədəd tunel inşa edilib”.
