“Mançester Siti”nin baş məşqçisi Xosep Qvardiola jurnalistlərin “şəhərlilər”in transfer tədbirləri ilə bağlı suallarını tənqidlə qarşılayıb.
Arena.az “Goal” dərgisinə istinadən, ispan mütəxəssisin bu barədə cavabını təqdim edir:
“Bütün ay boyu siz bizi, mətbuatda əlaqələndirildiyimiz hər kəs haqqında eyni suallarla sorğulayacaqsınız, ona görə də mən bu barədə danışmaq fikrində deyiləm. Siz israr edə bilərsiniz, amma mən vəziyyəti bilmədiyim üçün buna cavab verməyəcəyəm. Biz transfer pəncərəsinə daxil olmalı olduğumuzu bilirik və bu, mənim xoşuma gəlmir. Cari mövsümdə çoxlu-çoxlu zədələrlə üzləşdiyimiz vəziyyət bizi buna cəhd etməyə məcbur edir, çünki vəziyyət olduğu kimidir. Amma nə olacağını deməyəcəyəm, çünki bilmirəm. Əlbəttə, mən klubla əlaqə saxlayıram, amma nə baş verdiyini və bundan sonra nə olacağını bilmirəm, çünki bu, çox çətin məsələdir. Nə baş verməlidirsə, baş verəcək, daha heç nə deyə bilmərəm.
Marmuşa (Ömər Marmuş – Frankfurt “Ayntraxt”ının misirli mərkəz hücumçusu – redaktorun qeydi) marağımız? Qulaq asın, mən mən cavabımda aydın deyildimmi? Mən öz cavabımda bu barədə açıq surətdə bildirdim – mən bu barədə danışmaq fikrində deyiləm. O, başqa klubun oyunçusudur, mən isə buna cavab vermək fikrində deyiləm. Hər mətbuat toplantısında transfer pəncərəsi ilə bağlı sona qədər danışa bilərsiniz, mən bu sulların heç birinə cavab vermək fikrində deyiləm. Belə etməyin”, deyə Qvardiola qeyzlə vurğulayıb.
20 oyundan 34 xalla “Mançestet Siti” İngiltərə Premyer Liqasının yarış cədvəlinin 6-cı pilləsində qərarlaşıb.
