“Barselona”nın polyak hücumçusu Robert Levandovski “Real”la İspaniya Super Kubokunun final oyunu ilə bağlı gözləntisini paylaşıb.
Arena.az ESPN şəbəkəsinə istinadən, polyak ulduzun bu barədə qənaətini təqdim edir:
“Mən bu oyunu səbirsizliklə gözləyirəm. Düşünürəm ki, həqiqətən də yaxşı oyunumuz olacaq və biz ən yaxşı futbolumuzu nümayiş etdirəcəyik, çünki belə oyunlar xüsusidir. Bu, cari mövsümdə kubok qazanmaq üçün ilk fürsətdir. Mən bu qəniməti qazanmaq istəyirəm. Biz onu qazanmaq istəyirik.
“Real”ın möhtəşəm oyunçuları var. Hətta fərdi olaraq bunlar çox güclü oyunçulardır. Bəzən elə görünə bilər ki, onlar astagəl oynayırlar, oyunu idarə etmirlər, ancaq sizə bir zərbə vurmaq fürsətini gözləyirlər. Biz isə buna hazır olmalıyıq. Amma biz öz futbolumuzu nümayiş etdirsək, onlara çox imkan verməməyə çalışsaq, o zaman qalib gəlib ən yaxşı komanda ola bilərik”, deyə Levandovski vurğulayıb.
İspaniya Super Kubokunun finalında “Real” – “Barselona” oyunu yanvarın 12-də keçiriləcək. Hakim oyunu Bakı vaxtı ilə saat 23:00-da başladacaq.
