İrəvanın mərkəzində Şimal prospektində supermarket yanıb.
Publika.az xəbər verir ki, bu barədə Ermənistan Daxili İşlər Nazirliyinin mətbuat xidməti məlumat yayıb.
İdarədən verilən məlumata görə, yanğın siqnalı yanvarın 12-də saat 08:50 radələrində daxil olub. Dəbdəbəli yaşayış binasının altında yerləşən supermarketin anbarı yanıb.
Saat 09:00-da yanğının qarşısı alınıb, yarım saat sonra isə yanğın tam söndürülüb.
Yanğın nəticəsində məhsulların bir hissəsi yanıb, elektrik naqilləri zədələnib, iki soyuducu sıradan çıxıb.
