ABŞ-da güclü məşğulluq məlumatlarının FED-in (ABŞ Mərkəzi Bankı) faiz dərəcələrinin daha da azaldılması gözləntilərini və neft qiymətlərindəki artımın xalis neft idxal edən ölkə ilə bağlı gözləntiləri zəiflətməsindən sonra dollar rupi qarşısında rekord həddə çatıb.
Marja.az xəbər verir ki, rupi bazar ertəsi günü 0,7 faiz ucuzlaşıb və bu, 2023-cü ilin əvvəlindən bəri ən böyük eniş olub. Dollar/Rupi məzənnəsi 86,5575 səviyyəsinə yüksəlib.
Rupi son həftələr ucuzlaşıb. Ölkədə iqtisadi artımın yavaşlaması və xarici kapital axını fonunda rupinin ucuzlaşmasının davam edəcəyi gözlənilir.
“Dollar rupi qarşısında 90-a kimi bahalaşa bilər”
Bu il 1 dolların 90 rupidən yuxarı qalxa biləcəyi gözlənilir. "Standard Chartered" bu yaxınlarda 2025-ci ilin sonuna Dollar/Rupi proqnozunu 85,50-dən 87,75-ə yüksəldib.
ABŞ Rusiya neftinə qarşı yeni sanksiya tətbiq edib. ABŞ-ın sanksiyalarının Rusiyanın Çin və Hindistana neft ixracına mənfi təsir edəcəyi gözlənilir.
Ekspertlər yeni sanksiyaların Rusiyanın neft ixracına ciddi təsir edəcəyini, bunun da Çin və Hindistan kimi dünyanın ən böyük neft idxalçılarının Yaxın Şərq, Afrika və Amerika kimi digər mənbələrdən neft tədarük etməsinə səbəb olacağını bildiriblər. Bu da, qiymətlərin və nəqliyyat xərclərinin artmasına səbəb olacaq.
