Moskvada yeddinci sinif şagirdi rəfiqəsi ilə “TikTok” videosu çəkərkən körpəni təpikləyib.
Söz.az “Shot”-a istinadən xəbər verir ki, hadisə yeniyetmələrin valideynlərinin evdə olmadığı zaman baş verib.
Onlar video çəkmək qərarına gəliblər. Qızlardan biri körpəni çarpayıya qoyub, digəri isə var gücü ilə körpənin kürəyinə təpik vurub. Qız kamera qarşısında rəqs edərkən döyülən oğlan uşağı ağlayıb.
Uşağı vuran məktəblinin adı Ritadır və o, Babuşkinski rayonunda 7-ci sinif şagirdidir.
Video sosial mediada yayılıb və az sonra “TikTok” hesablarını siliblər.
Paytaxtın İstintaq Komitəsi görüntülərlə maraqlanıb və azyaşlıya qarşı zorakılıq faktı ilə bağlı cinayət işi açılıb.
İş həm də prokurorluğun nəzarətindədir.
