Radikal Taliban hərəkatının yaratdığı Əfqanıstan hökumətinin rəsmiləri qadınların televiziyada diktor və aparıcı kimi işləməsini qadağan edib.
Ucnoqta.az xəbər verir ki, bu barədə Herat əyalətindəki mənbələrə istinadən “Haşt-e Subh” qəzeti məlumat yayıb.
Məlumata görə, Fəziləti Təbliğ və Münaqişənin qarşısının alınması İdarəsi tərəfindən müvafiq fərman verilərək, qadınların televiziyaya çıxmasının “kişilər üçün təxribat” olduğu bildirilib.
Bütün KİV-lərə təlimata əməl etmələri ilə bağlı xəbərdarlıq da göndərilib.
Radikal hərəkatın nümayəndələri hələ ki, qəzetin məlumatını şərh etməyiblər.
