İsrail ordusunun Qəzza zolağının şimal və mərkəzi hissələrinə hücumları nəticəsində 13 nəfər həyatını itirib.
Fələstinin rəsmi xəbər agentliyi WAFA-nın verdiyi məlumata görə, İsrail döyüş təyyarələri Qəzza zolağının şimalındakı Qəzza şəhərinin Yarmuk rayonunda məcburi köçkün fələstinlilərin sığındığı Farabi məktəbini bombalayıb.
Hücum nəticəsində 7 nəfər həyatını itirib, çoxlu sayda insan yaralanıb.
İsrail ordusu Qəzza zolağının mərkəzi hissəsində yerləşən Nusayrat qaçqın düşərgəsinin cənub hissəsinə də zərbələr endirib.
Hücum nəticəsində 6 nəfər həyatını itirib, 7 nəfər yaralanıb.
